Республикыштына инфраструктура объект- влак графикым ончылтен шыҥдаралтыт

Республикыштына инфраструктура объект- влак графикым ончылтен шыҥдаралтыт
              Республикыштына инфраструктура объект- влак графикым ончылтен шыҥдаралтыт. Марий Элым вуйлатыше Юрий Зайцев Российысе регионлам вияҥдыме шотышто Правительстве комиссий президиумын заседанийыштыже лийын. Тудым вице-премьер Марат Хуснуллин эртарен. Тушто шокшым ситарыше, вӱдым ситарыше да вӱдым йоктарен колтышо предприятий- влакын финанс да озанлык паша лектышытым, шушаш ийлан план почеш показательым аклыме, субъектлаште тариф кампаний, концессий соглашений кышкарыште инвестиций паша, инфраструктура проектлам шыҥдарыме лектыш- влакым каҥашыме. Марий Эл налог дене план показательыш шумо дене ончыл регион- влак радамыште палемдалтын. Республикыште 106 утла процентыш шумо. Чоҥымаш министр Ирек Файзуллин палемден: тыгай статистике регионын тӱлымӧ дисциплиным вияҥдыме шотышто, парымым пытарыме дене сайын пашам ыштымыжым ончыкта. Бюджет гыч оксам ойырымо организаций- влакын коммунал полышлан парымышт уке. 2024-ше ий икымше июль гыч коммунал полышлан калыкын тӱлымӧ кокла индексшын вашталтшашыжым 9,5 луаш процентым палемдыме. Тидыже российысе кокла кӱкшыт деч изирак. Республикыште тариф кампаний 20-шо декабрьыште мучашлалтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски