Йошкар-Олаште йыжыҥын- йыжыҥын йӱрвӱд канализаций системым пужен ыштат
Йошкар-Олаште йыжыҥын- йыжыҥын йӱрвӱд канализаций системым пужен ыштат. 2023-шо ийыште тиде пашам индешымше микрорайонышто тӱҥалме. Канализаций Йыван Кырля урем деч тӱҥалын Западный урем дене кая. Шоя эҥерын пурла серже дене Жуков урем гутлаште верысе очистной сооруженийым ыштат,- палемда мэрий. Тений планыште эше ик йыжыҥжым ыштыман. Тудо олан эҥер вес велысе ужашыжым авалта. Специалист- влакын мутышт почеш Мир урем ден Киров урем ушнымаште погынышо вӱдым кораҥдаш полша. Проект Ураев будьвар ден Киров урем корнывож гыч вӱдым Шернур корно марте кораҥдаш йӧным пуа. Мланде йымалне верысе очистной сооружений вераҥдалтеш. Тыге йӱр вӱд канализацийын ужашыже 500 метр гыч тӱжемат пеле метр марте ешаралтеш. Пужен ыштыме паша лум шулымо да йӱрвӱдым йоктарен колташ да корно лӱдыкшыдымылыкым ышташ полша.
Фото: Йошкар- Ола администраций.
Фото: Йошкар- Ола администраций.
