Российын правительствыштыже Марий Элыште чоҥаш да пужен ышташ палемдыме кугу планым сайлан шотленыт
Республикысе правительство коллегийын заседанийыштыже Александр Евстифеев Россий Правительстве председательын алмаштышыже Марат Хуснуллинын решенийже дене палдарен. Тудо Йошкар-Олаште автомагистральым чоҥымо, федерал корнын ужашыже- Йошкар-Ола- Зеленодольск- «Волга» автмобиль корным пужен ыштыме да республикысе корнын 50 процентшым норматив марте шуктымо дене кылдалтын. Магистральым чоҥаш тенийлан 774, вес ийлан 979 миллион теҥгем ойыраш палемдыме, планыш Силикатный воктелсе корнат пурталтеш. А корным норматив марте шуктымо шотышто вес ийлан ик миллиардат 288 миллион, 23-шо ийлан 1 миллиардат 412, 24-ше ийлан ик миллиардат 820 миллион теҥге палемдалтеш,- каласен Александр Евстифеев.
Эртыше ийын 170 меҥге кужыт автомобиль корным олмыктымо. Тидыже план деч 30 меҥгылан шукырак. Калык проект- влакым 20-шо ийыште 96 процентлан шуктымо, республикым вияҥдыме шотышто программым 99 утла процентлан. Илыме верым чоҥен шуктымо шотышто планым темыме, 97 тӱшка кумдыкым да кудывечылам олмыктымо. Тичмаш налмаште калыкле проект-влак ончылгоч шукталтыт, тенийлан план ямде. Республикын бюджетшым 100 утла процентлан шуктымо. Кугыжаныш парымымат иземден кертме. Кызыт тудо 11 миллиардат 900 миллион теҥге кодын. Заседанийыште тыгак пайрем жапыште коммунал службын шуктымо пашажымат аклыме. Республикым вуйлатыше пашам вияҥден колташ кӱштен, молан манаш гын, ола кӱлеш семын ок эрыкталт манын.
Эртыше ийын 170 меҥге кужыт автомобиль корным олмыктымо. Тидыже план деч 30 меҥгылан шукырак. Калык проект- влакым 20-шо ийыште 96 процентлан шуктымо, республикым вияҥдыме шотышто программым 99 утла процентлан. Илыме верым чоҥен шуктымо шотышто планым темыме, 97 тӱшка кумдыкым да кудывечылам олмыктымо. Тичмаш налмаште калыкле проект-влак ончылгоч шукталтыт, тенийлан план ямде. Республикын бюджетшым 100 утла процентлан шуктымо. Кугыжаныш парымымат иземден кертме. Кызыт тудо 11 миллиардат 900 миллион теҥге кодын. Заседанийыште тыгак пайрем жапыште коммунал службын шуктымо пашажымат аклыме. Республикым вуйлатыше пашам вияҥден колташ кӱштен, молан манаш гын, ола кӱлеш семын ок эрыкталт манын.
