Ий эше кӱжгӧ, но пеҥгыдылыкше йомеш

Ик арня жапыште республикысе эҥерлаште  ийын кӱжгытшӧ чот вашталтын огыл, но вӱд почылтмо вер- влак лектыныт. Тергымашым МЧС-ын специалистше- влак эртареныт. Юл эҥерын покшелныже ийын кӱжгытшӧ 10-15 сантиметр, Юрино ден Козьмодемьянск тураште 20-25 сантиметр, Кокшайск, Звенигово да Волжск воктене 30-35 сантиметрыш шуэш. Туштат почылтшо вер- влак улыт. Тыгаяк чара вер- влак Вӱтла эҥерыштат вашлиялтыт. Тушто ий 20-25 сантиметр кӱжгытан. Йошкар-Ола кундемысе Изи Какшаныште 40-45 сантиметр, Ширяйково тураште 25-35 сантиметр, но чара вер- влак улыт. Чара- вер- влакым Элнетыште, Кугу да Изи Какшаныште, Руткышто палемдыме. Пӱя ден ерлаште ий 40-50 сантиметр кӱжгытыш шуын. Но леве игече шогымылан кӧра, ий пеҥгыдылыкшым йомдара. Сандене ий ӱмбалне пеш тӱткӧ лийман.

Прошлые выпуски