Салют огеш лий

Салют огеш лий

Шушаш каныш кечылаште Козьмодемьянскыште «Бендериада-2023» фестиваль эрташ тӱҥалеш. Икымше пайрем мероприятий изарнян, 20-шо июльышто, лиеш. Курыкмарий драме театр «12 стульев» спектакльым ончыкта. Кугарнян, 21-ше июльышто, поро йӱлашке пурышо КВН лиеш. Тӱҥ мероприятий-влак шуматкечын, 22-шо июльышто, эрташ тӱҥалыт. Остап Бендер «Васюки» пристаньышке 10 шагатат пелылан мия. Тиддеч вара оласе уремла дене театрализованый шествий эрта. Умбакыже уна-влакым поян программе вуча. А теве салют тений огеш лий.

Прошлые выпуски