Кином - ялышке!

Кином - ялышке!

Тений Марий Элысе районлаште кинозал-влак йодмашан лийыныт. Идалык тӱҥалтыш гыч 22 тӱжем еҥ тушко миен. Пел ий жапыште 2 тӱжем наре сеанс ончыкталтын. Эн шуко еҥым У Торъял поселкысо кинозал поген. Тушто 10 тӱжем наре билетым ужаленыт.

Тыгай кинозал-влакым районлаште «Тӱвыра» калыкле проектлан кӧра ыштен кертме. Тидыже калыкым киносымыктыш деке лишкырак ышташ полша.

Каласен кодыман: 2022-шо ийыште нацпроект кышкарыште кином ончыктымо залым почаш Кино фондын конкурсыштыжо Килемар, Марий Турек, У Торъял да Оршанке район-влак сеҥеныт. Цифровой кинозалым почаш федерал бюджет гыч чылаже 36 миллион теҥге окса ойыралтын.

Прошлые выпуски