Марий Эл - «Волга - Янцзы» форматыште

Марий Эл  - «Волга - Янцзы» форматыште

Марий Эл «Волга - Янцзы» форматыште Китай дене кылым пеҥгыдемдаш тӱҥалеш. Ушештарена: Марий Элым вуйлатыше Федераций Советын делегацийже дене пырля КНР-ыш миен коштын. «Волга - Янцзы» форматлан тений 10 ий темеш. Тудо Юл кундем федерал округыш пурышо регион-влакым да Янцзы эҥерын кӱшыл да кокла йогынласе провинцийже-влакым авалта. Нунын кокласе кыл у кӱкшытышкӧ лектеш – торговльо ден экспортыште веле огыл, кӱкшӧ технологий шӧрыныштат паша вораҥеш. Марий Эл ты форматышке икмыняр ий ончыч ушнен. Кыл вияҥмаш нерген сатусавыртыш кушмаш да вуз-влакын келшен илымыштат ойла. Ончыкыжым IT, ял озанлык, промышленность, тӱвыра да туризм шӧрын-влакым утларак авалташ шонымаш уло.

Прошлые выпуски