Самырык картингист- влакын «Шӧртньӧ шыжышт» эртен

            Самырык картингист- влак «Шӧртньӧ шыже» республике кӱкшытан 5-ше лично-командный таҥасымашыште вийыштым тергеныт. Тунемше- влак коклаште таҥасымаш Медведево районысо Малая Речка ял воктенысе ял озанлык аэропорт кундемыште эртен. Тудым туныктыш министерстве ден «Йоча да самырык- влакын техник усталык рӱдерышт» ямдылен. Ӱчашымаш «Дружба», «Мини», «Пионер», «Пилот», «Минск» класслаште лийын. Тыгак картингым йӧратыше кугыеҥ- влакат «Ветеран» классыште таҥасеныт. 6 гыч 17 ияш марте 31 спортсмен ӱчашымашке ушнен. Шке классыштышт икымше верым Макар Ефремов, Артём Антонов, Ульяна Полушина, Ярослав Наумов, Алексей Царегородцев налыныт. Ветеран- влак коклаште Советский посёлко гыч Александр Куклин ончыко лектын. Команде- влак коклаште икымше верым «Картинг» клубын икымше командыже сеҥен налын. Медведевысе йоча усталык пӧртын командыже кокымшо лийын. «Картинг» клубын кокымшо командыже кумшо верыш лектын.
          Фото: Туныктыш министерстве.

Прошлые выпуски