Сайлымаш кампанийыш ушно
Марий Элыште сайлыме кампанийлан ямдылалтмаш кая. Шушаш сайлымашке калыкым электрон йӧн дене утларак ушнаш ӱжыт.
Сайлыме системым электрон форматыш кусарымаш - илышын йодмыжо. Ты йӧн сайлыме кампанийым закон дене келшышын эртараш полша. Тыгак дистанционно кеч-могай верыште йӱклаш лиеш. Электрон форматым илышыш пуртымаш тыгак сайлыше-влакын процентыштым кугемдышаш.
Кызытеш 2 тӱжем утла еҥ йӱклымашке электрон йӧн дене ушнаш йодмашым пуэн. Тидым 2-шо сентябрь марте ыштыман.
