Таврида ден Иволга

Таврида ден Иволга

Крымыште Судак ола воктене Россий кӱкшытан «Таврида. Арт» фестиваль иктешлалтын. Тений тудо 6-шо гана эртен, Российын чыла регионжо гыч 6 000 наре самырык еҥым ушен. Нуно шке калыкыштын тӱвыра поянлыкыштым почын пуэныт. Марий Эл гыч 30 еҥан делегаций лийын.

Тиде кечылаштак Марий Эл гыч ӱдыр-рвезе «Иволга» форумышто шуаралтыт. Самара областьыште«Иволга-2024» форум эрта. Тушко чылаже 2000 наре участник, 40 утлаже Марий Эл гыч. Кажне гана тыгай форумлаште мемнан самырык еҥна-влак шке чолгалыкыштым ончыктат, проект дене пашам ышташ тунемыт.

Прошлые выпуски