Йочасад-влакым олмыктат

Йочасад-влакым олмыктат

Марий Эл вуйлатыше Юрий Зайцев Марий Турек районыш миен коштмыжо годым образований объект-влаклан кугу тӱткышым ойырен. Ондак тудо Косолоп йоча садыше лийын. Йоча сад оралтым капитально олмыкташ жап толын шуын. Тудым школ деч ончычсо тунемме тӧнеж-влакым модернизироватлымаш федерал программышке пурташ йодмаш спискыш пуртымо.

Сысоево йоча садымат олмыктымаш вуча. Оралтым 1971-ше ийыште чоҥымо, леведыш чот тоштемын. Регионым вуйлатыше тыштат ачалымаш пашам шукташ кӱштен. Тыгак тудо верысе кыдалаш школышто лийын. Тушто тений «Туныктымаш» калыкле проект почеш «Точка роста» рӱдер почылтеш.

Тылеч посна Юрий Зайцев икымше марий Совет Ушем Герой Сергей Суворовлан пӧлеклалтше мемориал комплексым ончалын савырнен. Кызыт тиде парк Кугу Вочарма ялын тӱвыра да историй рӱдержылан шотлалтеш. Тушто тӱрлӧ шарныктыш мероприятий-влакым эртарат.

Прошлые выпуски