Семёновка селаште кӱвар гоч кунам транспортым колтымо нерген пале лийын
Семёновка селаште кӱвар гоч кунам транспортым колтымо нерген пале лийын. Ола погынымашын депутатше Евгений Калинкин пужен ыштыме кӱварым пашаш колтымо жап нерген ойлен. Тудо пашан кузе кайымыжым тергаш да калык- влакын йодышыштлан вашешташ лӱмын объектыш уэш миен коштын. Мо рашемын: шке плотножо ямде манаш лиеш. Чоҥышо- влак кӱвар йымалне эҥер серым пеҥгыдемдат. Жап шотышто депутат тыге умылтара: тиде кечылаште кӱварым корно службылан пуат. Корно пашазе- влак асфальтым шарышаш улыт, тиддеч вара жаплан савар- влакым вераҥдат. Вучыдымо сӱрет ок лий гын, транспорт кӱвар дене кок-кум арня гыч кудалышт кертеш. Туге гынат тӱрыс пужен ыштыме паша декабрь мучаш марте шуйна. Но тиде транспортлан кошташ чаракым ок ыште.
Фото: Евгений Калинкин.
Фото: Евгений Калинкин.
