Шернурысо рӱдӧ эмлыме верыште шодым искусственно южтарыме кок аппаратым пашаш колтымо
Шернурысо рӱдӧ эмлыме верыште шодым искусственно южтарыме кок аппаратым пашаш колтымо. Нуным «Шӱм да вӱргорно чер ваштареш кучедалмаш» регионысо проект кышкарыште налме. Тӱҥ врач Татьяна Христофорован мутшо почеш, первичный сосудистый пӧлкаште ты марте ныл тыгай аппарат кучылталтын. Нуным лу ий утла ончыч налме. Тудын кӱлешлыкше эре шижалтеш. Кодшо ийын гына нунын полшымо дене 814 еҥ вич район гыч эмлалтын. Ныл миллион наре теҥгем шогышо шкенан элыште ыштыме аппарат- влакын толмышт моткоч кӱлешан событий. Тиддеч посна тений эше моло кок аппаратым Йошкар-Оласе эмлыме верлан да Волжск оласе рӱдӧ эмлыме верлан налаш палемдыме. Тений чылаже проектын мероприятийже- влаклан 123 миллион утла теҥгем колташ пунчалме.
Фото: Тазалыкаралтыш министерстве.
Фото: Тазалыкаралтыш министерстве.
