Школышто тунемше- влакын «шанче шуматкечышт» тӱҥалын

Школышто тунемше- влакын «шанче шуматкечышт» тӱҥалын
              Школышто тунемше- влакын «шанче шуматкечышт» тӱҥалын. Икымшыже 17-ше октябрьыште эртен. Оласе 86 тунемше Марий университетын физике да математике, электроэнергетике да экономике факультетлашкыже, тыгак Ботанический садыш миеныт.                              Физматыште ӱдыр-рвезе- влак дене пырля кызытсе гаджет ден кӱкшӧ технологиян устройство- влакын кузе ыштылтмыштым, металлокерамикын секретшым да печатный платым лукмо технологийым рашемденыт, шанче конкурслаште кӱкшӧ акым налше студент проект- влак дене палыме лийыныт.
             Марий университетын  вӱдышӧ индустриал партнёржо- влак кызыт промышленностьлан могай специалист- влак кӱлмӧ нерген  да студент жап гычак карьерым кузе ышташ лийме нерген каласкаленыт. Моло факультетыштат шуко оҥайым пален налыныт. Ботанический садыште экскурсийым эртареныт,- увертара туныктыш министерстве.
             Фото: Туныктыш министерстве.

Прошлые выпуски