Йошкар-Олаште индеш тылзыште осал пашам ыштымаш 18 утла процентлан шагалемын
Йошкар-Олаште индеш тылзыште осал пашам ыштымаш 18 утла процентлан шагалемын. Йошкар-Оласе МВД виктемыште тений индеш тылзаш пашам иктешлыме. Совещанийыште эл корго паша министрын пашажым шуктышо Алексей Коновалов участвоватлен. Оперативный обстановко регистрироватлыме осал пашан 18,2 процентлан шагалеммыжым ончыкта. Неле осал паша 14,2 процентлан, личность ваштареш осал паша 2,9 процентлан, изи да кокла нелытан осал пашам 19,9 процентлан шагалрак ыштыме. Увер да телекоммуникаций технологийым кучылтын ыштыме осал паша 45 процентлан шагалемын. Но тиде осал паша ончычсо семынак регистрироватлыме осал пашан 42 утла процентшым айла.
Тиде жапыште толымаш 23 процентлан, тазалыклан лумын энгекым ыштымаш 9 процентлан, хулиган койыш 85, лумын тулым чыкымаш 40, вийыт оксам курын лукмаш 66, сад портла гыч шолыштмаш 50, кевытла ден складла гыч- 11, автомобильла гыч шолыштмаш 45 процентлан, наркотик дене кылдалтше осал паша 39 процентлан шагалемын.
Тидын годым пуштмашым, тазалыклан лумын энгекым ыштымашым, керылт кырымашым, склад ден кевытла гыч шолыштмашым почмаш 100 процентыш шуын. Толымашым, сад портла гыч шолыштмашым, транспорт ден велосипедым шолыштмашым почмаш кугемын. Оласе уремлаште осал пашам кок процентлан шагалрак ыштыме. Полиций ушештара: осал паша нерген йодмашым да увертарымашым МВД-н чыла территориальный органыштыжат сутка мучко 102 але 112 телефон дене налыт. Але кеч-могай полиций полкаш шке миен каласаш лиеш.
Фото: М.Винокуров.
Тиде жапыште толымаш 23 процентлан, тазалыклан лумын энгекым ыштымаш 9 процентлан, хулиган койыш 85, лумын тулым чыкымаш 40, вийыт оксам курын лукмаш 66, сад портла гыч шолыштмаш 50, кевытла ден складла гыч- 11, автомобильла гыч шолыштмаш 45 процентлан, наркотик дене кылдалтше осал паша 39 процентлан шагалемын.
Тидын годым пуштмашым, тазалыклан лумын энгекым ыштымашым, керылт кырымашым, склад ден кевытла гыч шолыштмашым почмаш 100 процентыш шуын. Толымашым, сад портла гыч шолыштмашым, транспорт ден велосипедым шолыштмашым почмаш кугемын. Оласе уремлаште осал пашам кок процентлан шагалрак ыштыме. Полиций ушештара: осал паша нерген йодмашым да увертарымашым МВД-н чыла территориальный органыштыжат сутка мучко 102 але 112 телефон дене налыт. Але кеч-могай полиций полкаш шке миен каласаш лиеш.
Фото: М.Винокуров.
