Военнослужащий- влак шке пачеран лийыт
Тений идалык тӱналтыш гыч военнослужащий- влаклан илыме верлан оксам ойырымо программе почеш 50 военнослужашийлан да ешыштлан илыме верым налаш полшымо. Ойырымо субсидийын тичмаш кугытшо 350 миллион теҥгем эртен. Кугыжаныш кум да утларак шочшан ешлан черет деч посна пачерым налаш полша. Шуко шочшан 13 ешлан илыме верлан субсидийым пуымо. Кажне ешлан кокла шот дене 9 миллион теҥге окса логалын. Тений илыме верым ситарыме тӱҥ йӧнлан жилищный субсидий шотлалтеш. Тудын кокла кугытшо тенийсе икымше пелийыште ик еҥлан 7 миллион теҥге лийын. Военнослужащий- влаклан субсидий йӧн келшен шуктен. Молан манаш гын, тиде окса дене нуно элнан кеч- могай кундемыштыже пачерым налын але пӧртым, коттеджым чоҥен кертыт.
