Спорт туризм дене Марий Элын командыже Россий мучко эн тале лийын

Спорт туризм дене Марий Элын командыже Россий мучко эн тале лийын
Белгород олаште йолын коштмо спорт туризм дене Российын чемпионатше эртен. Тушко 19 регион гыч спортсмен- влак погыненыт. Тӱрлӧ нелылыкан кум кужу да кум кӱчык 6 дистанций лийын. Пӱсӧ ӱчашымаш деч вара Марий Элын сборный командыже икымше верым сеҥен налын. Командышке Юлтех гыч ныл уста, палыме студент- спортсмен пурен. Дистанцийын лектышыже почеш ӱдырамаш- влак коклаште икымше верым Ксения Мубаракшина ден Чувашийын спортсменкыже айленыт, Пӧръеҥ- влак коклаште Рустам Урдяков нылымше, Михаил Тарасов визымше лийыныт. Связкыште Ксения ден Екатерина той медальым, Рустам ден Михаил ший медальым налыныт. Тӱшка дистанцийлаште мемнан спортсмен- влак ӱдырамаш да пӧръеҥ зачётыштат икымше лийыныт.

Прошлые выпуски