Таче «Без срока давности» проектын ончерже почылтын
Таче калыкле сӱрет галерейыште «Без срока давности» проектын ончерже почылтын. Тудо ик тылзе жапыште Марий университетыште ончыкталтын. Тушко 600 утла еҥ миен. Ушештарена: 1946-шо ий 8-ше февральыште Нюрнбергыште Тӱнямбал военный трибуналыште СССР деч тӱҥ титаклыше Роман Руденко шке речшым ойлен. Тудо икымше гана СССР-ыште оккупироватлыме кундемлаште нацист- влакын осалланымыштым тичмаш да раш почын ончыктен. 2018-ше ийыште «Российын кычалше толкынжо» Российысе мер толкын Элым аралыше- влакым шарнымашеш кодаш манын, «Без срока давности» проектлан тӱҥалтышым ыштен. Элыштына икымше гана нацист- влакын осал пашашт нерген 23 томан документ- влак сборникым савыктен лукмо. Тӱрлӧ архив гыч 7 тӱжем документым чумырымо. Тушечын 6 тӱжем нарыже сборникыш пурен. Выставкысе кажне стендше посна регионлан пӧлеклалтын. Тений идалык мучко тиде ончер ола ден районлаште ончыкталтеш. Экскурсоводым, экскурсий- влакым Марий университетын «Воскресение» кычалше отрядше ямдыла.
