Таче - Юж десант войскан кечыже

Таче  - Юж десант войскан кечыже
           Таче Юж десант войскан кечыже палемдалтеш. Марий Элым вуйлатыше, Правительстве председатель Юрий Зайцев воин-десантник- влакым Россий Федерацийын Юж десант войскан кечыже дене салмала. «Шулдыран пехота» элнан Вооружённый вийжын элитыже, армийнан кугешнымашыже, Ачамландылан ӱшанлын служитлыме пример улеш. Те эн неле задаче- влакым, тыгак лӱмын эртарыме сар операций годымат, честь дене шуктеда. Чылан палат: десантник- влак ончычсо огыт лий. Ветеран- влак – тиде пеҥгыде сарзе иза-шольо кыл. Тудо историй шарнымашым арален кодымашке, самырык тукымым военно патриотизм шӱлышеш шуарымашке кугу надырым пышта, йолташ- влаклан, нунын ешыштлан полышым пуа. Кызыт тӱнямбалне нацизмым уэш ылыжташ тӧчымӧ да элнам пӱгырташ толашыме жапыште молыгунамсе дечат чотырак ваш ушнымаш, куатле армий да полыш кӱлеш. Кугыжанышнам вуйлатыше Владимир Путинын авторитетше, пеҥгыдылыкше, шонен моштымыжлан кӧра Россий лийын да кугу державе лийын кодеш. – Ойлалтеш республикым вуйлатышын саламлымашыштыже.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски