Теҥгече республикысе чыла районышто Шарныме да ойганыме кечылан пӧлеклалтше траур мероприятий- влак эртеныт
Теҥгече республикысе чыла районышто Шарныме да ойганыме кечылан пӧлеклалтше траур мероприятий- влак эртеныт. 1941-ше ийысе 22-шо июнь историйыштна ик эн шем дата- кугу сар тӱналын да миллион дене еҥын ӱмыржым кӱрлын. Марий Элым вуйлатыше Юрий Зайцев оласе митингыште участвовтален да Воин Чап монумент ден Курымашлык тул воктеке пеледышым пыштен. Тудо ушештарен: республике гыч 142 тӱжем еҥ фронтыш каен, 75 тӱжемже сӧй пасу гыч пӧртылын огыл. 53 еҥлан Совет Ушемын Геройжо званийым пуымо. Орудий залпын кум гана йоҥгымо йӱкшӧ почеш митингыш погынышо- влак ик тат шып шоген вуйым пыштыше- влакым шарналтеныт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
