Тений Марий Эллан ординатурыш ойырымо 13 целевой вер яра улеш

Тений Марий Эллан ординатурыш ойырымо 13 целевой вер яра улеш
           Тений Россий тазалыкаралтыш министерствын да Россий Федерацийын шанче да кӱшыл шинчымаш министерствын Марий Эллан ординатурыш ойырымо 13 целевой верышт яра улыт. Тений республикылан ординатурын программыже почеш целевой приемлан 48 квотым палемдыме. Тачысе кечылан 35 верым айлыме. Целевой ординатурыш тыгай вер- влак кодыныт: Кировысо медуниверситетыште акушерство-гинекологий специальность дене ик вер, Чуваш ден Киров медуниверситетлаште анестезиологий- реаниматологий специальность дене кок вер гыч, Марий университетыште онкологий дене, Озаҥысе медуниверситетыште рентгенологий дене, Чуваш университетыште клиник лабораторий диагностике дене, бактериологий ден Угаранысе шымлыше медицина университетыште, Озаҥысе медуниверситетыште тӱшка врач практике дене, Чуваш медуниверситетыште педиатрий дене ик вер гыч улыт. Йодыш дене Марий Элысе тазалыкаралтыш министерствыш 22-21-13 номеран телефон дене йыҥгыртыман.
             Фото: Тазалыкаралтыш министерстве.

Прошлые выпуски