Республикысе шым еҥ Чап лӱм дене палемдалтын
Марий Элым вуйлатыше республикысе туныктыш, тӱвыра пашаеҥ- влаклан чап лӱмым пуымо шотышто Указым пеҥгыдемден. «Марий Элысе тӱвыран сулло пашаеҥже» Чап лӱмым Советский районысо тӱвыра пӧртыштӧ кружокым вуйлатыше Галина Щербаковалан пуымо. «Образованийын сулло пашаеҥже» Чап лӱмым МарГУ-н профессоржо Светлана Фёдорова, Шернурысо йоча усталык пӧртын педагогшо Анастасия Глазырина, Марий туныктыш институтын марий филологий да культурологий кафедрыжым вуйлатыше Елизавета Игнатьева, Оршанке районысо Кугу Ӧрша школын директоржо Сергей Кузьминых, «Канде кайык» гуманитар гимназийым вуйлатышын алмаштышыже Анастасия Логинова, Торгово- технологий колледжын пашалан туныктышо мастерже Нурания Мухаметова налыныт. Нунын шуко ий тыршен ыштыме пашаштым тыге кӱкшын аклыме.
