Цифран экономикылан профессионал кадр кӱлеш
Марий Элыште цифран экономикылан профессионал кадрым ямдылаш да уэш туныкташ тӱналыт. Молан манаш гын, экономикын тӱҥ отрасльже- влак цифран корныш кусаралтыт. Республикыште «Россий Федерацийын цифран экономикыже» программын регионысо проектше илышыш шыҥдаралтеш. Регионысо программым калыкле программе дене келшышын ыштыме. Тушко верысе вич проект пура. Тиде- «Цифран экономикылан кадр- влак», «Увер лӱдыкшыдымылык», «Цифран технологий», «Цифран кугыжаныш виктем» да «Увер инфраструктура». «Цифран экономикылан кадр- влак» проект кӱкшӧ квалификациян специалист- влакым жапыштыже ямдылен шукташ виктаралтын. Регион- влак цифран технологий дене кылдалтше уста специалист- влакым шке ямдылышаш улыт. Кадрым уэш туныктымо йодышат ончылно шога. Шушаш ийын тӱжемат 210 специалистым туныктен лукман, кок тӱжемат 100 еҥым уэш туныктыман. Тыгай специалист- влак кажне ийын шукырак лийшаш улыт.
