У Торъял районысо Чӱксола тӱвыра пӧрт уэмеш

           У Торъял районысо Чӱксола тӱвыра пӧртым «Тӱвыра» калыкле проект почеш пужен ыштат. Тиде пашалан 21 миллионат 500 тӱжем теҥгем ойырымо. Олмыкташлан тӱвыра пӧртым мартыште петырыме ыле. Кызыт фасадым шокшемдат, леведышым профнастил дене леведыт. Проект почеш пурымо тӱҥ верым, эвакуаций дене лекме верым олмыкташ, окна- влакым вашталташ палемдыме. Пашам 31-ше август марте мучашлышаш улыт. Уэмдыме деч вара тӱвыра тӧнежыште Чӱксола ял илемым тӱвыра велым вияҥдыме рӱдерым ыштат. Пӧртым пужен ыштымылан кӧра верысе кок тӱжемат 600 утла еҥ тӱвыра аланыште сай полышым налаш тӱҥалеш.
             Фото: Тӱвыра министерстве.

Прошлые выпуски