Ульяновскысо таҥасымаш гыч Марий Элын самырык ийшыже- влак шым медальым конденыт

Ульяновскысо таҥасымаш гыч Марий Элын самырык ийшыже- влак шым медальым конденыт
           Ульяновскысо таҥасымаш гыч Марий Элын самырык ийшыже- влак шым медальым конденыт. Ульяновскышто «Кеҥежымсе спорт тургымым почмаш» байдарка да каноэ дене ийме Область кӱкшытан таҥасымаш- влак эртеныт. Тушо Марий Элысе пушкольмо дене куышо самырык спортсмен- влакат лийыныт. Нунылан тиде  тургымысо икымше таҥасымаш лийын. Лектыш почеш рвезе- влак шым медальым сеҥен налыныт. 2007-ше ийыште шочшо да кугурак- влак коклаште Богдан Чемоданов кокымшо верым налын. 2008-ше 2009-ше ийлаште шочшо- влак коклаште Семён Быков икымше лийын, вес кужытышто тудо кокымшо верыш лектын. Тыгак Максим Федосеев кокымшо верым налын. 2010-2011 ийлаште шочшо- влак коклаште Сергей Арзяев кокымшо лийын. 2012-шо ийыште шочшо да изирак- влак коклаште Глеб Мещеряков ден Артём Матвеев икымше да кокымшо верым налыныт.
             Фото: Спорт-туризм министерстве.

Прошлые выпуски