Волонтёр штаб уэш пашам ышташ тӱҥалын
Марий Элыште «Мы вместе» акцийын волонтёр штабше уэш пашам ышташ тӱҥалын. Волонтёр- влак коронавирус инфекций шарлыме жапыште кундемыштына илыше- влаклан адресный полышым пуат. Чыла муниципалитетыштат 60 ий деч кугурак шкет илыше пенсионер- влаклан, тыгак самоизоляцийыште улшо але неле илыш йыжыҥыш логалше- влаклан кочкыш сатум да эмым намиен пуат. Полышлан йодмашым шокшо телефон линийыш йыҥгыртен кодаш лиеш. Номерже: 8 800 200 34 11. Тыгак чыла муниципалитетыште штаблан муниципал телефонышт пашам ышта. Йошкар-Оласе номерже- 73-01-70. Мо кӱлешым налаш оксам йодшо еҥ тӱла, а полышыжо яра ышталтеш. Йошкар-Олаште поснак шке машинашт дене автоволонтёр- влак кӱлыт.
