Волжск олаште тулык йоча да тошто пӧртла гыч кусарыме еҥ- влаклан шуко пачеран пӧртым чоҥымо

Волжск олаште тулык йоча да тошто пӧртла гыч кусарыме еҥ- влаклан шуко пачеран пӧртым чоҥымо
             Волжск олаште тулык йоча да тошто пӧртла гыч кусарыме еҥ- влаклан шуко пачеран пӧртым чоҥымо. Республикысе кокымшо кугу олаште шуко пачеран пӧрт илаш пураш августын кокымшо пелыштыже ямде лиеш. Тидын нерген Правительство вуйлатышын алмаштышыже Александр Сальниковлан чоҥымаш, архитектура, илыме вер да коммунал озанлык министр Наталья Ошланова увертарен. Тудын мутшо почеш 53 пачерым тошто пӧртла гыч кусарыме еҥ- влаклан, 22 илемым тулык йоча- влаклан пуымо лиеш. Налме пачерын акше 151 миллион теҥгеш шуын. Тушечын 147 миллион утлаше кундемлам вияҥдыме фондын оксаже. Тыге кок подъездан 9 пачашан пӧртыштӧ у пачер деч сравочым 141 еҥ налеш. Нуно Волжск оласе 28 аварийный пӧртыштӧ иленыт. Тулык йоча- влаклан пачерым налаш 35 миллион теҥгем ойырымо ыле. Калыкым кусарыме программе почеш вич тӱжемат 517 еҥым кусарыме. Идалык мучаш марте эше 18 тӱжем квадрат метр кумдык  илыме вер гыч калыкым кусарат.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски