Ял озанлыклан полшымаш республикысе правительствын ик эн ончылно шогышо задачыже лийын да тугак кодеш, - каласен Юрий Зайцев
Ял озанлыклан полшымаш республикысе правительствын ик эн ончылно шогышо задачыже лийын да тугак кодеш, - каласен Юрий Зайцев. Кодшо арня мучашыште Марий Элым вуйлатыше Юрий Зайцев Ял озанлык да перерабатыватлыше промышленность пашаеҥын кечыжлан пӧлеклалтше торжественный мероприятийыште участвоватлен. Отрасльлан сайын вияҥаш негыз семын тыште илыше да пашам ыштыше калык лийын кодеш. Марий Элыште ончен-куштымо продукций рынкым ӱшанлын айла. Тиде сеҥымашыш тыланда кӧра шумо. Те неле паша деч огыда лӱд, пашашке шке шинчымаш ден моштымашдам пыштеда- каласен Юрий Зайцев. Республикым вуйлатыше чылалан тыршен пашам ыштымылан, шочмо мландым йӧратымылан, ойырен налме пашалан ӱшанле улмылан тауштен да наградым кучыктен.
Марий Элысе ял озанлыкын сулло пашаеҥже Чап лӱмым «Шойбулак» племзаводын водительже Владимир Ложкинлан, «У илыш» колхозын машина дене лӱштышӧ операторжо Светлана Петуховалан, «Акпарс» агрофирмын трактористше Валерий Садовинлан пуымо. «Республикысе пищевой индустрийын сулло пашаеҥже» чап лӱм дене «Шернур сырзаводын» технический директоржо Альберт Сибагатуллиным палемдыме. Республикын чап грамотыжым «Акашево» сурткайык фабрикын комбикорма заводшым виктарыше Александр Кочетовлан, «Первый май» колхозын презым ончышыжо Валентина Кузнецовалан кучыктымо. Куд еҥлан Республикым вуйлатышын тауштымашыжым увертарыме.
Фото: Марий Элым вуйлатышын администрацийжын увер дене пашам ыштыше пӧлкаже.
Марий Элысе ял озанлыкын сулло пашаеҥже Чап лӱмым «Шойбулак» племзаводын водительже Владимир Ложкинлан, «У илыш» колхозын машина дене лӱштышӧ операторжо Светлана Петуховалан, «Акпарс» агрофирмын трактористше Валерий Садовинлан пуымо. «Республикысе пищевой индустрийын сулло пашаеҥже» чап лӱм дене «Шернур сырзаводын» технический директоржо Альберт Сибагатуллиным палемдыме. Республикын чап грамотыжым «Акашево» сурткайык фабрикын комбикорма заводшым виктарыше Александр Кочетовлан, «Первый май» колхозын презым ончышыжо Валентина Кузнецовалан кучыктымо. Куд еҥлан Республикым вуйлатышын тауштымашыжым увертарыме.
Фото: Марий Элым вуйлатышын администрацийжын увер дене пашам ыштыше пӧлкаже.
