Йошкар-Ола аэропортышто пассажир терминалым 2024-ше ийлан чоҥен пытарышаш улыт

Йошкар-Ола аэропортышто пассажир терминалым 2024-ше ийлан чоҥен пытарышаш улыт
             Йошкар-Ола аэропортышто пассажир терминалым 2024-ше ийлан чоҥен пытарышаш улыт. Россий чоҥымаш министерстве коллегий ден Элысе регионлам вияҥдыме шотышто Правительстве Президиум коллегийын пырля эртарыме заседанийыштышт ЖКХ да чоҥымо пашан кодшо ийысе лектышыштым да тенийлан планым каҥашеныт. Тӱҥалтышыште Правительстве Председатель Михаил Мишустин кодшо ийысе сеҥымаш- влакым палемден. Регионлаште калыклан кӱлешан объект- влакым ышташ кӱлешан инструментна- влак уло. Ик тыгай йӧнлан инфраструктура бюджет кредит шотлалтеш. Тудын полшымо дене республикыште кум объект чоҥалтеш. Тушеч иктыже- аэропортысо пассажир терминал. Тудым кодшо ий мучашыште чоҥаш тӱҥалме. Терминал ик шагатыште 400 еҥым колташ келыштаралтеш. Республикым вуйлатыше палемден: терминалым чоҥымаш инвестицийым кумылаҥдаш да пассажир- влаклан комфортым ышташ полша. Пашам 2024-ше ийыште мучашлаш палемдалтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски