У электростанций энергийлан тарифын кушмыжым кучен шогаш полша
У электростанций энергийлан тарифын кушмыжым кучен шогаш полша. 2022-шо 2023-шо ийлаште пужен ыштыме кышкарыште Йошкар-Оласе икымше номеран ТЭЦ-ын 37-ше номеран ырыктыше котельныйыштыже газопоршневой электростанцийым чоҥымо. Тиде «Йошкар-Олаште шокшым ситарыше объект- влакым пужен ыштымаш» проект кышкарыште ыштыме пашан ик йыжынже. Марий Элым вуйлатыше Юрий Зайцев паша дене тиде объектыш миен. Тудо палемден: Элын правительствыже коммунал инфраструктуро объектлам уэмдыме шотышто кӱлешан проектым пеҥгыдемден. Калыкын улан илышыжым ыштыме фонд гыч ойырымо окса модернизацийым писештарен колта. Тидыже коммунал сетьым кучашлан кучылтшаш оксам аныклаш полша, а тудыжо аварийностьым иземдымылан да энергопайдалыкшым кугемдымылан кора лийын кертеш. А тӱҥжӧ- калыклан коммунал полышын качествыже саемеш. 37-ше котельныйын шке кӱлешлыкшылан ситараш электростанцийын куатше тичмаш ситыше. Тидыже тарифым кугемме деч кучен шогаш полша. 37-ше котельный Ремзавод, Восточный, Юбилейный, Центральный, Ленинский микрорайонласе, Мирный, Молодёжный, Спортивный, Сомбатхей миркорайонлан ужашыштлаже, Патриарший площадь ден Брюгге сер да Медицинский уремысе 304 зданийлан шокшым ситара.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
