Федерал кӱкшытан 24-ше Сабантуй пайремым Марий Элыште эртараш шонат
Федерал кӱкшытан 24-ше Сабантуй пайремым Марий Элыште эртараш шонат. 2024-ше ийыште лийшаш Сабантуйым эртарыме шотышто организационный комитетын икымше заседанийже лийын. Заседанийыште Марий Элым вуйлатыше Юрий Зайцев, Татарстанын премьер-министржын алмаштышыже, татар-влакын тӱнямбал конгрессыштын калыкле советыштым вуйлатыше, организационный комитетым вуйлатышын аламштышыже Василь Шайхразиев, Марий Эл да Татарстан республикылан правительствыштын еҥышт, татар-влакын тӱнямбал конгрессыштын исполнительный комитетыштын да мер организацийлан представительышт лийыныт. Погынышо-влакым саламлышыла Юрий Зайцев федерал кӱкшытан событийын кӱлешлыкшым палемден. Ончылно эше ик ий уло гынат, ме ончылгоч ямдылалташ тӱҥалаш пунчална. Молан манаш гын, йодыш да задаче шуко уло. Ме кӱкшӧ уровеньым ончыкташ ямде улына, пайрем ик эн сай семын кужу жаплан ушеш кодшаш. Василь Шахразиевын мутшо почеш, пайрем уло эл мучко, мыняр татар илымым шотыш налде, кугу йодмаш дене пайдалана. Пайремым кок кече Медведево ипподромышто да Руэм воктелсе площадкыште эртараш палемдыме. Медведево район администрацийым вуйлатыше Денис Окулов улшо площадкым тӧрлаш да у площадке- влакым ышташ кӱлеш манын. Тӱвыра министр Константин Иванов докладыштыже каласен: федерал сабантуй икымше гана Йошкар-Олаште 2004-ше ийыште лийын. Тунам элысе 45 субъект гыч еҥ- влак толыныт. Мыланна уна- влакым вашлияш кугу куан лиеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
