Йошкар-Олан аэропортшо- кугу проектыште паша план почеш кая

Йошкар-Олан аэропортшо- кугу проектыште паша план почеш кая
               Йошкар-Олан аэропортшо- кугу проектыште паша план почеш кая. Йошкар-Олан юж капкаже пел ий утла петырымаште улеш. Тидыже верысе калыкланат, уна да турист-шамычланат йӧндымылыкым луктеш. Чоҥымо паша кызыт кузерак кая? Кунам аэропортым почыт?- Тидын нерген транспорт да корно озанлык министр Александр Герасименко ойлен: терминалын зданийже ямде: леведышыште, фасадыште, яндам шындымаште пашам мучашлыме, шокшым пуымо. Отделка паша кая, чыла оборудованийым заказатлыме. Тӱзландарыме паша мучашыш лишемеш: шудым ӱдымӧ, шокшо игече шогымо годым тушко мийыме корнышто асфальтын ӱмбал ужашыжым шарат, ситыдымашым кораҥдат, ноябрь мучашыште эксплуатацийыш колташ шонат. Оҥай увер: чоҥымо тичмаш кумдык- воктелсе кундем, тӱзландарыме кумдык, мийыме корно, шке терминалже дене пырля 240 тӱжем квадрат метрыш погына, терминалжын гына кумдыкшо – 6 тӱжем квадрат метр. У зданийыште пассажир ныл пачаш ешарлтшаш да ик шагатыште 400 пассажирым колтен кертеш.
          Фото: Йошкар-Ола администраций.

Прошлые выпуски