Йошкар-Оласе Ширяйково микрорайонышто у понтон кӱвар лиеш
Йошкар-Оласе Ширяйково микрорайонышто у понтон кӱвар лиеш. Ола администраций Изи Какшан эҥер гоч рончен-погыман, 50 метр кужытан да кок метр кумдыкан понтон кӱварым вераҥдаш торгым увертарен. Тиде кызытсе жаплан келшыше, йол мунчалтыдыман, метр утла кӱкшыт кидкучеман кӱвар сооружений лийшаш. Тыгак пуш- влаклан эртен каяш арке семын верым ыштат. Аркан кӱвар ужашыже шым метр кужытан да вӱд ӱмбач шотлымаште кок метр кӱкшытан лиеш. Пашан акше куд миллион теҥге утларак. Оксам бюджетыште палемдыме. Подрядчикым рашемдымеке паша вигак тӱналеш, - увертарен Кугыжаныш Погынын депутатше Александр Афанасьев.
Фото: Александр Афанасьев ВК.
Фото: Александр Афанасьев ВК.
