Йошкар-Олаште аварийный пӧртла гыч кусарыме еҥ- влаклан пӧртым чоҥат
Йошкар-Олаште аварийный пӧртла гыч кусарыме еҥ- влаклан пӧртым чоҥат. Тошто пӧртлам кораҥдыме паша умбакыже шуйна. Тений вич тыгай пӧрт гыч 176 еҥым кусараш палемдыме. Тиде кок тӱжемат 300 квадрат метр кумдык. Кызыт Карл Либкнехт уремыште 9 пачашан пӧртым ыштат: 8 пачашыже ямде, ныл пачашыште окнам шындыме. Кажне пачерым индивидуально проектироватлат. Кумдыкшо тошто илем деч шагал ок лий. Еҥ- влакын ик кумшо ужашыже окса компенсацийым ойырен да шийвундым кидыш налын. Молыжо пӧртсийым вучат. Пӧртым тений декабрьыште сдатлышаш улыт. Вигак кокымшо йыжыҥым ямдылаш тӱналме: эше индеш тошто пӧрт гыч калыкым кусарат- 151 пачер гыч 315 еҥым.
Фото: Йошкар-Ола мэрий.
Фото: Йошкар-Ола мэрий.
