Осал игечылан кӧра ятыр пӧрт, газпуч, электролиний энгекыш логалын

Осал игечылан кӧра ятыр пӧрт, газпуч, электролиний энгекыш логалын
              Республикыштына осал игечылан кӧра ятыр пӧрт, газпуч, электролиний энгекыш логалын. Марий Турек районышто тӱтан мардеж ятыр шаланымашым коден. Тӱҥ вийже Карлыган ял илемлан логалын. Икмыняр пӧртын леведыш ужашыже пудырген, шуко пушеҥге сӱмырлен, савар ден озанлык оралтым шалатен, энергийым, газым ситарымаш, кыл лунчырген. Район администрацийыште увертарыме почеш чыла служба да верысе калык тӧрлымӧ пашашке ушнен. Энергетик ден корно пашазе- влак верлаште тыршат, электротулым уэш пуаш тӱналме, пудыргышо объект- влакым умбакыже тӧрлат. Ситуацийым чыла тӧрлен шуктымешке администраций контрольышто куча. Йодыш лекме годым районысо единый диспетчер службыш йыҥгырташ йодыт. Номерже: 8 836 34- 9-70-70.
             Фото vk.ru/public217590454

Прошлые выпуски