Йошкар-Олаште «Дружба» стадионысо спорт комплексыште гимнастке- влак шуаралташ тӱҥалыныт
Йошкар-Олаште «Дружба» стадионысо спорт комплексыште гимнастке- влак шуаралташ тӱҥалыныт. Республикысе правительствын полшымыжо дене шуко функциян спорт комплексым материал да технике дене пойдарыме пашам мучашлыме. Тений март гыч гимнастике дене спорт школын спорт, художественный да эстетике гимнастике пӧлкажын тунемме да тренироватлалтме процессше уже «Дружба» стадионысо гимнастике рӱдерыште эрта. Ончычсо дене таҥастарымаште зал пеш чапле лийын. кызыт спортшколышто гимнастике дене 262 еҥ кылым куча. План почеш 400 еҥ лийшаш. «Дружба» стадионышто ончычсо теннис кортым Гимнастике рӱдерлан пужен ышташ лу миллион наре теҥге оксам кучылтмо.
Фото: Михаил Винокуров.
Фото: Михаил Винокуров.
