Йошкар-Олаште фиджитал-рӱдерым чоҥаш 105 миллион теҥгем ойыреныт

Йошкар-Олаште фиджитал-рӱдерым чоҥаш 105 миллион теҥгем ойыреныт
            Йошкар-Олаште фиджитал-рӱдерым чоҥаш 105 миллион теҥгем ойыреныт. «Бизнес-спринт (Мый спортым ойырен налам)» федерал проект кышкарыште спортын тыглай да цифран видше- влакым ушен шогышо ойыртематше спорт кумдык- фиджитал рӱдер шочшаш. Тыгай объектым ышташ решений Россий Правительстве вуйлатышын алмаштышыже Дмитрий Чернышенкон 2024-ше ийыште Мемнан деке толмыжо годым лектын. Рӱдерым Ий полат воктене чоҥат. Тидлан 105 миллион теҥгем ойырымо, подрядчикым рашемдыме. Фиджитал рӱдерыште компьютер зал ден виртуал реальость зона, мини-футбол ден стритболлан универсал площадке, турникан, брусан да швед-пырдыжан воркаут-зона, трибуно- влак лийшаш улыт. Тиде проект спорт инфраструктурым вияҥдымаште кӱлешан ошкыл, самырык- влаклан у йӧным почеш, тыглай ден киберспортым йӧратыше- влакым уша, тренировкым оҥайым ышта. Тиддеч посна фиджитал-рӱдерым боец- влакым реабилитироватлаш кучылташ шонена,- каласен республикым вуйлатыше.
            Фото: Юрий Зайцевын ВК-же.

Прошлые выпуски