Йошкар-Олаште Келшымаш Пӧртым торжественно почмо
Йошкар-Олаште Келшымаш Пӧртым торжественно почмо. Марий Эл- шуко калык илыман кундем. Сандене Калык- влакын келшымаш пӧртышт кӱлешан объект улеш. Республикыштына 50 утла тӱрлӧ калык ила, 32 калыкле тӱвыра мер ушем пашам ышта. Зданийым 2021-ше ийыште чоҥаш тӱҥалме. Пашан акше 390 миллион теҥгем эртен. Эше 300 наре миллион теҥге оборудованийым налаш каен. Келымаш пӧртым почмо торжественный мероприятийыште Республикым вуйлатыше Юрий Зайцев участвоватлен. Погынышо-влакым тиде кӱлешан тат дене саламлен. Посна тау шомакым Россий Правительство вуйлатыше Михаил Мишустинланлан ойлен. Молан манаш гын, лач тудын решенийже почеш Келшымаш Пӧртым чоҥымо. Тыгак чоҥышо- влаклан тауштен. Погынышо- влакым тыгак Федераций Советым вуйлатышын алмаштышыже Константин Косачёв, Кугыжаныш Погыным вуйлатыше Анатолий Смирнов да тӱҥ федерал инспектор Павел Волков саламленыт. Пӧртыштӧ офис пӧлем- влакым ыштыме, концерт, куштымаш, репетиций, конференц зал- влак улыт, унам вашлийме, ончерым вераҥдыме холл-фойе, калыкле кухньо кафе вераҥыныт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
