Йошкар-Олаште проблеман кумдык- влакым тӱзландарыме пашам мучашлат
Йошкар-Олаште проблеман кумдык- влакым тӱзландарыме пашам мучашлат. Мэрын икымше алмаштышыже Лев Покровскийын ушештарымыже почеш «Оласе йӧнан кумдыкым ыштымаш» калыкле проект почеш вич объектым шотыш кондымо. Но нылытше шотышто подрядчик- влаклан кӧра нелылык лектын ыле. Сандене уэш у ойпидыш- влакым кылдаш верештын. Тыгай нелылык Марий паркыште лектын ыле. У подрядчик пашаш август мучашыште гына ушнен гынат, чыла пашам шуктымо манаш лиеш. Теҥгылым, увер стендым вераҥдаш, сценым монтироватлаш гына кодын. Тудыжым кызытак ышташ тӱҥалыт. А пушеҥгым шындыме, сценын бетонжым шымартыме паша шошылан кодеш. Эше ик тыглай огыл объект- Россий Армийын тӱвыра полатше воктелсе кумдык. Тушто кызыт асфальтым шарат да изи архитектура формо- влакым вераҥдылыт. Чыла пашам ноябрь мучашлан пытарышаш улыт. Кодшо кок проблеман кудывече- Эшкинин уремысе 5-ше пӧрт да Дружба уремысе 77-ше пӧрт кудывечым тӱзландарыме, объект- влакым пашаш налме,- рашемден Лев Покровский.
Фото: Лев Покровский.
Фото: Лев Покровский.
