ВДНХ-шке калык коштмо дене рекордыш шумо

ВДНХ-шке калык коштмо дене рекордыш шумо
             ВДНХ-шке калык коштмо дене рекордыш шумо. «Россий» Тӱнямбал выставке-форумыш икымше кум кечыште 448 тӱжем уна миен. ВДНХ-лан тиде рекорд шотлалтеш. Выставкым почмо кечын 4-ше ноябрьыште 191 тӱжем еҥ лийын, 5-ше ноябрьыште- 123 тӱжем, 6-шо ноябрьыште 134 тӱжем еҥ миен. Тӱнямбал ончер-форум ВДНХ-ште нылымше ноябрьыште почылтын да шушаш ийын 12-шо апрель марте пашам ышта. Тушто 89 регион, исполнительный кучемын 22 федерал органже (министерствыла да кугыжаныш резерв шотышто федерал агентстве, 20 компаний, корпораций да мер ушем участвоватла – чылаже 131 позиций. 8-ше ноябрь гыч 14-ше январь марте выставкыште регион- влакын кечышт палемдалтеш. Тушто кажне субъектын главаже пытартыш ийласе сеҥымаш- влак нерген каласкала. Экскурсийлам эртараш кок тӱжем утла экскурсовод- влакым ӱжмӧ. Нуно 12 миллион унам 30 павильон мучко коштыктат. Россий Президентын администрацийжым вуйлатышын алмаштышыже Сергей Кириенко палемден: выставкым тӱрысынек ончен савырнаш куд кече деч шагал огыл кӱлеш.
            Фото: ТСН24. MariMedia. 

Прошлые выпуски