Республикыштына Владимир Ленинлан чапкӱм почыныт

Республикыштына Владимир Ленинлан чапкӱм почыныт
         Республикыштына коммунист- влак Владимир Ленинлан чапкӱм почыныт. Тудо шымше ноябрьыште Оршанке районысо Пуялыште вераҥын. Чапкӱм шындаш тӱҥалтышым ялыште илыше Геннадий Марков ыштен. 1992-шо ийыште памятникын верланыме Пуял школым петырыме. Тудым шалатымаш Ленинлан чапкӱмат ӧрдыжеш коден огыл. Оза деч посна кодшо чапкӱм коремеш тояш шоненыт. Но Геннадий Васильевич шке эргыже дене тудым арален коденыт. Тений августышто еш пеҥгыдын шонен пыштен: чапкӱм ялысе чылалан коймо вереш шогалташ кӱлеш. Еш постаментым ышташ гына да бюстым реставрироватлаш  ятыр тӱжем теҥге шке оксажым пыштен. Районысо коммунист- влак, республикысе комитетын Бюро еҥже- влакат шке надырыштым пыштеныт. Тыге чапкӱ шке вержым муын.
       Фото:Партийын верысе пӧлкажын архивше.

Прошлые выпуски