Йошкар-Олаште ракетчик- влаклан чапкӱм шогалтат да ОМОН-ын сотрудникшылан мемориал оҥам вераҥдат
Йошкар-Олаште ракетчик- влаклан чапкӱм шогалтыме да ОМОН-ын сотрудникшылан мемориал оҥам вераҥдыме лиеш. Йошкар-Ола погынымашын деуптатше- влак черетан сессийлан ямдылалтме кышкарыште стратегический назначениян ракет войскам ыштыме лӱмеш чапкӱм шогалтыме йодышым онченыт. Тыгай йодмаш дене «Ветеран-ракетчик- влакын ушемышт» регионысо мер-ушем лектын. Чапкӱм Россий Армийын тӱвыра полатше ончылсо аллейыште вераҥдаш темлалтеш. Тудым ямдылаш, вераҥдаш да кучаш окса «Ветеран-ракетчик- влак ушем» гыч ойыралтеш.
Каҥашымашке тыгак ОМОН-ын сотрудникше, Йӱдвел-Кавказ кундемыште служебный порысшым шуктымо годым вуйым пыштыше Вадим Суфияновлан мемориал оҥам вераҥдыме йодышымат лукмо. Тидын шотышто темлымашым Республикысе Росгвардий виктем ыштен. Оҥам оласе 24-ше школын пырдыжешыже вераҥдаш темалалтеш. Тушто Вадим Суфиянов шинчымашым поген. Окса роскотшо тыгак Росгвардий виктем кӱшеш лиеш. Суфиянов служебный командировкышто Йӱдвел Кавказыште, Йӱдвел Осетий-Аланийыште, Ингушетийыште, Чечняште икгана веле огыл лийын. Вуйым пыштымекыже Россий Президентын Указше почеш Патырлык орден дене палемдалтын.
Каҥашымашке тыгак ОМОН-ын сотрудникше, Йӱдвел-Кавказ кундемыште служебный порысшым шуктымо годым вуйым пыштыше Вадим Суфияновлан мемориал оҥам вераҥдыме йодышымат лукмо. Тидын шотышто темлымашым Республикысе Росгвардий виктем ыштен. Оҥам оласе 24-ше школын пырдыжешыже вераҥдаш темалалтеш. Тушто Вадим Суфиянов шинчымашым поген. Окса роскотшо тыгак Росгвардий виктем кӱшеш лиеш. Суфиянов служебный командировкышто Йӱдвел Кавказыште, Йӱдвел Осетий-Аланийыште, Ингушетийыште, Чечняште икгана веле огыл лийын. Вуйым пыштымекыже Россий Президентын Указше почеш Патырлык орден дене палемдалтын.
