Юрий Зайцев ача-ава-влаклан икшывыштым вӱд воктене шкетыштым кодаш чарен
Регионым вуйлатыше Юрий Зайцев ача-ава-влаклан икшывыштым вӱд воктене, поснак шокшо кечылаште, шкетыштым кодаш чарен. Тидын годым тудо социал вотлаште кок йочан илышыжым наҥгайыше трагедий нерген ушештарен. Оршанке район Отар ялысе пӱяште 5 да 11 ияш акак-шӱжарак вӱдыш пурен каеныт. Иктаж вич шагат кастене нуно авашт деч йодын, модаш лектыныт. Но каналтымаш туткарыш конден. Нунын капыштым верысе калык вӱд гыч луктын. Следствий орган- влак уголовный пашам тарватеныт.
Шокшо толмо дене вӱдыштӧ азап лийын кертме лӱдыкшӧ кугемеш. Тений кум еҥын вӱдыш пурен кайымыжым регистрироватлыме. Республикыште пляж- влакым йӱштылмӧ тургымалан ямдылымаш мучашыш лишемеш. Тушто утарыше- влак пашам ышташ тӱналыт. Йӱштылмӧ тургымым эше почмо огыл. Путырак тӱткӧ лиймаш. Палемдыме верыште гына йӱштылаш лиеш. Йоча- влакым шкеныштым колтыман огыл. Тек кеҥеж шокшо, куанде да лӱдыкшыдымӧ лиеш. Шкендам да лишыл еҥдам аралыза,- возен Республикым вуйлатыше.
Фото: Марий Элысе следствий виктем.
Шокшо толмо дене вӱдыштӧ азап лийын кертме лӱдыкшӧ кугемеш. Тений кум еҥын вӱдыш пурен кайымыжым регистрироватлыме. Республикыште пляж- влакым йӱштылмӧ тургымалан ямдылымаш мучашыш лишемеш. Тушто утарыше- влак пашам ышташ тӱналыт. Йӱштылмӧ тургымым эше почмо огыл. Путырак тӱткӧ лиймаш. Палемдыме верыште гына йӱштылаш лиеш. Йоча- влакым шкеныштым колтыман огыл. Тек кеҥеж шокшо, куанде да лӱдыкшыдымӧ лиеш. Шкендам да лишыл еҥдам аралыза,- возен Республикым вуйлатыше.
Фото: Марий Элысе следствий виктем.
