Школышто тунемше- влаклан кеҥеж каникул майыштак тӱналеш
Школышто тунемше- влаклан кеҥеж каникул майыштак тӱналеш. Просвещений министерствын экспертше Игрь Якимовын каласкалымыже почеш тений тунемше- влаклан кеҥеж каныш вич кечылан ондакырак 27-ше майыштак тӱналеш. Тидыже Россий просвещений министерствын тунемме ийым 26-ше майыште мучашлаш темлымашыже дене кылдалтын. Тидыже экзамен- влакым эртарыме пунктлам шке жапыштыже ямдылен шукташ манын ышталтеш,- увертарен ТАСС-лан Игорь Якимов. Расписаний почеш тений экзамен- влак икымше июньышто тӱналыт. Тыге тений ЕГЭ-н тӱҥ жапше икымше июньышто тарвана, а 27-ше, 28-ше, 29-ше, 30-шо да 31-ше майыште ешартыш каныш кече- влак выпускной огыл класслаште тунемше- влалкан куанле пӧлек лийыныт.
Фото: Йошкар-Ола мэрий (архив).
Фото: Йошкар-Ола мэрий (архив).
