Марий Элыште шушаш ырыктыме тургымлан ямдылалтмаш тӱналын

Марий Элыште шушаш ырыктыме тургымлан ямдылалтмаш тӱналын
             Марий Элыште шушаш ырыктыме тургымлан ямдылалтмаш тӱналын. Марий Элым вуйлатыше Юрий Зайцевын кӱштымыжӧ почеш Правительстве вуйлатышын икымше алмаштышыже Дмитрий Троицкий «Т Плюс Марий Эл ден Чуваший» организацийын филиалже- Йошкар-Оласе кокымшо ТЭЦ-ыш миен. Пашаче совещаний ырыктыме тургымым иктешлымылан да ончыкылык телылан ямдылалтмылан  пӧлеклалтын.
             Делегаций радамыште тыгак Чоҥымаш да ЖКХ министр Александр Горбунов, промышленность, экономически вияҥмаш да торговля министр Владимир Халюзин лийыныт. Нуно станцийын производство площадкыжым ончен лектыныт, шокшо да электроэнергийым ыштен лукмо паша ден раш палыме лийыныт.
             Тиддеч вара Марий Эл ден Чувашийыште «Т Плюс» ден ЭнергосбыТ» филиал- влакын директорышт Владимир Тихонович ден Любовь Александрова дене пашаче вашлиймашым эртареныт. Нуно ырыктыме тургымлан ямдылалтмашым каҥашеныт да эн тӱн задаче- влакым онченыт. «Т Плюсын» филиалже- влакын вуйлатышышт чыла палемдыме мероприятийым жапыштыже шукташ да ырыктыме жапыште энергийым чарныде ситарен шогаш ямде улмо нерген каласеныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски