Юрий Зайцев школьникын поездын машинистше лийын ончаш шонымашыжым шуктен
Юрий Зайцев школьникын поездын машинистше лийын ончаш шонымашыжым шуктен. Декабрь мучашыште Марий Элым вуйлатыше Юрий Зайцев «Кумылым шуктышо кож» Россий кӱкшыытан акцийыште участвоватлен. Мучыштарен налме шар- влак коклаште Шоя-Кузнецово ял гыч 16 ияш Илья Ивановын шонымашыжым возыман серышат лийын. Рвезе поездын машинистше лийын ончаш шонымыжым возен. Теҥгече Марий Элым вуйлатыше самырык еҥын шонымашыжым шуктен. Илья дене пырля тудо тепловоз мишинистын кабиныштыже лийын. Илья поездын паша принципшым пален нален налын, семафорын, кусарыме стрелке- влакын пашаштым ончен. Тарваныме деч ончыч Юрий Зайцев рвезылан шере пӧлекым да ушан колонкым кучыктен. РЖД деч Ильялан фирменный подстаканникым пӧлекленыт. Юрий Зайцев палемден: йоча шонымаш- влак шукталтшаш улыт да Илья тиде кечым кужу жаплан шарнаш тӱҥалеш манын ӱшаным каласен. Тыгак тудо «Кӱртньӧ корно транспорт рӱдер» ушемлан вашкылым кучымылан таум каласен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
