Марий Элыште школлам капитально олмыкташ миллиард утла теҥгем колтат
Марий Элыште школлам капитально олмыкташ миллиард утла теҥгем колтат. Туныктыш да шанче министр Лариса Ревуцкая Марий Элым вуйлатыше Юрий Зайцевлан школлам капитально олмыктымо план нерген каласкален. Тений республикыштына «Самырык тукым да йоча- влак» калыкле проектын «Чыла сайжым йоча- влаклан» федерал проект кышкарыште 9 школым олмыктат Тиде пашалан ик миллиард утла теҥгем палемдыме. Туныктымо инфраструктурым Шернур, Куженер, Марий Турек, Курык марий районлаште, Волжск оласе лицейыште, Йошкар-Оласе 10-шо школышто, Семёновка селасе Архипов лӱмеш школышто, Руэм посёлкысо шуко профилян лицей-интернатыште уэмдат. Тунемме тӧнежлаште класслам, вестибюльым, кочмо верым, актовый залым, тоштер ден книгагудо кабинетлам тӧрлат, йоча- влаклан йӧнан кумдыкым ыштат. Школлан дизайн-проектыштым ыштымашке Юлтехын да Марий университетын студентышт ушнат. Марий Эл школ туныктымо системым модернизироватлыме президент программыште 2022-шо ий гыч участвоватла. Тиде жапыште 25 школым капитально олымктымо.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
