Марий Элым вуйлатыше корно ден кудывечылам лум деч эрыктыме йодышым контрольышто куча
Марий Элым вуйлатыше корно ден кудывечылам лум деч эрыктыме йодышым контрольышто куча. Тидын нерген тудын телеграм-каналыштыже возымо. Могай ситуаций улмо да эртарыме паша нерген мылам муниципал образованийлам вуйлатыше- влак эре увертарен шогат, - возен Юрий Зайцев. Эн шуко обращений Йошкар-Олаште илыше- влак деч пурен. Кызыт рӱдӧ олаштына коммунал службо-влак олам лум деч кок смене дене эрыктат, но утларак техникыже корнылашке йӱдым лектеш, тунам корно- влак яра улыт манаш лиеш. Мутлан эртыше йӱдым Йошкар-Олаште лумым эрыктыше 50 технике пашам ыштен. Эше ик гана олалан мэрышт, районлам вуйлатыше, виктарыше компанийлан вуйлатышыштлан ушештарем: лумым да ийым кораҥдыме пашам игечым ончен виктараш кӱлеш, калыкын обращенийжым жапыштыже шотыш налман,- каласен шке телеграм-каналыштыде Республикым вуйлатыше.
Фото: Йошкар-Олан мэрийже.
Фото: Йошкар-Олан мэрийже.
