Звениговысо коллекторым олмыкташ эше шым миллионат 600 тӱжем теҥгем ойыраш пунчалме

                   Марий Элым вуйлатыше Звениговысо коллекторым олмыкташ эше шым миллионат 600 тӱжем теҥгем ойыраш пунчалым пеҥгыдемден. Ешартыш оксам ойыраш лийме нерген тудо кодшо арнян Звениговыш паша дене мийымыж годым увертарен ыле. Тудо шошо шумеш пашам мучашлаш кӱлеш манын ойлен. Объектыште олмыктымо паша 2018-ше ий годсек эртаралтеш. Тиде жапыште 80 миллион утла теҥге оксам ойырымо. Кызыт насос станций да канализаций коллектор объектлаште пашам шукташ 34 миллион утла теҥгеаш контрактым ыштыме. Кодшо пашажым икымше июль марте ыштен пытарышаш улыт.

Прошлые выпуски