Ача-ава-влак чумыргат
Чыла муниципал образованийыште «Марий Элын ешыже: таче да эрла» ача-ава погынымаш-влак эртат. Теҥгече Советский посёлкышто лийын. Тушко район гыч 70 утла чолга ача-авам ӱжыныт. Нуно тачысе кечын еш-влакым тургыжландарыше йодыш-шамычым каҥашеныт. Кугу тӱткыщ йочан лӱдышыдымылыкшӧ да тазалыкшылан ойыралтын.
Ача–ава погынымашке Республикысе паша да социал аралтыш министрын сомылжым шуктышо Галина Ярцева миен. Район вуйлатыше-влак лийыныт.
Погынымашын участникше-влак. икмыняр тӱшкалан шелалтын, еш поянлыкым аралыме, вияҥдыме шотышто программым ыштеныт да тудым молылан темленыт.
Чыла районышто эртыше ача-ава погынымаш гыч республикысе еш институтым вияҥдыме шотышто эн сай темлымаш-влакым иквереш чумырат да Марий Эл вуйлатыше Юрий Зайцевлан колтат.
